Hiri hondakin solidoen gaikako bilketa eta birziklatzeari buruzko kanpaina honen helburu nagusia hiritarren partehartzea handitzea eta Irunen eta Hondarribian birziklatze indizeak igotzea da, gai honi buruz ezagutza handiagoak lortzeaz gainera.

Esan daiteke, gaur egun Gipuzkoan aitzindariak garela birziklatzearen alorrean, %27,5 birziklatzen baitugu, eta kopuru hori %40ra igo nahi da 2016. urtean.

Kanpaina hau gazteei zuzendua dago batik bat baina, helburu duen publikoa gazteak izan arren, bi udalerrietako hiritar guztiekin ahalik eta hartu-eman zuzenena izan nahi dugu, honako hauen bidez:

	Publizitate spotak eta irrati iragarkiak
	Mahaiko egutegi hezigarria inkesta batekin etxera bidaliko dena
	SMS-ak bidaltzea
	Kamisetak oparitu (bai inkestarekin bai SMS-ekin)

Mahaiko egutegia eta inkesta

Mahaiko egutegi bat banatuko da eskualdeko etxe guztietan eta inkesta, berriz, egutegian bertan etorriko da.

Egutegiak gaikako bilketei buruzko informazioa ematen du hilero (birziklatze portzentajeak, hondakin bakoitzarentzako edukiontzia, eta abar).

Inkestak 4 galdera ditu hondakinen birziklatzeari buruz, horrekin hiritarren partehartzeari buruz informazioa bildu, dauden beharrak ezagutu eta zerbitzua hobetu nahi da, eta era beran eskualdeko birziklatze indizeak handitu nahi dira.

Zehaztutako puntuetan aurkezten diren lehen 1.400 inkestek kamiseta jasoko dute opari.

SMS-ak bidaltzea

Bigarren Hezkuntzako Ikastetxeetan eta topalekuetan jarriko diren informazio panelen bidez, gazteenak animatuko dira SMS-ak bidal ditzaten eta gaikako bilketari buruz galdera bati erantzun diezaioten.

SMS sistema BIRZIKLATU hitza 7212 zenbakira bidaltzea eta galderari ongi erantzutea izango da, kanpainaren logoa duen kamiseta lortu ahal izateko, Kukusumusuk diseinatua gainera (eskaintza honek abenduaren 17 baino lehen bidalitako lehen 600 mezuentzako balio du). Mezuaren kostua 0,30 euro izango dira.

Kamisetak

Kanpainak irauten duen bitartean 2000 kamiseta banatuko dira parte hartzea eskertzeko eta era horretan jarraituko dugu gaikako bilketa eta birziklatzea sustatzen. “Nolako txoria halako habia” izango da kamisetaren leloa.

Galderari ongi erantzun eta inkesta behar bezala beteta aurkezten duten hiritarrek jaso ahal izango dute kamiseta hori. Jasotzeko leku horietan ingurumen hezitzaile bat egongo da eta hark gaikako bilketari buruzko zalantzak argituko dizkie eta parte hartzera animatuko ditu.


Kamisetak jasotzeko: