Txingudiko Zerbitzuek zabaldu egingo dute etxeko olio eta hondakin arriskutsuen gaikako bilketa Zerbitzua. Hilabete bakoitzaren azken larunbatean Irunen eta hirugarrenean Hondarribian etxeko olio eta Hondakin Toxiko Arriskutsuen gaikako bilketa egingo da horretarako prestaturiko ibilgailu baten bidez.

JASOKO DIREN HONDAKINAK

Zerbitzu honen bidez, honako etxeko hondakin hauek bilduko dira gaika:

• Sukaldeko olioa.
• Lanparak eta fluoreszenteak.
• Termometroak.
• Automozio hondakinak: olioak, bateriak, iragazkiak, balazta likidoa, eta abar.
• Tresna elektriko-elektronikoak: Ordenagailuak, Irrati-walkmanak, TV aginteak, Telefono mugikorrak, Kalkulagailuak, Argazki-makinak, eta abar.
• Tinta eta toner kartutxoak.
• Disketeak-CDak-DVDak.
• Argazkigintza: finkatzaileak, bainuak.
• Txiskeroak.
• Kolak, pinturak, bernizak eta disolbatzaileak.
• Pilak eta bateriak.
• Garbiketa produktuak.
• Erradiografiak.
• Aerosol ontziak: intsektizidak, eta abar.
• Pestizidak-pozoinak.