TXINGUDIKO ZERBITZUAK TEKNOPOLISEN
   
  Garapena

HONDAKINEN munduan Txingudiko Zerbitzu Mankomunitatea garatzen ari den garapen teknologikoaren berri eman zuen “Teknopolis” zientzia eta teknologia hedapenerako programak 2004ko ekainaren 20an, igandean, ETB2an.
   
  Helburua

Edukiontzien identifikazio automatizatua da helburu nagusia (kokalekua, egoera, gorabeherak...). Sistema berri bat da, hondakinen kudeaketari aplikaturiko irratifrekuentzi bidezko teknologian oinarritua, eta horretarako, kamioi bakoitzak bere gailua du instalatuta honako osagai hauekin:
  • PDA edo Terminal Eramangarria kabinan ibilbide, kokaleku eta edukiontzi kopuruarekin.
  • Irratifrekuentziako identifikazio modulua, kabinan ere.
  • Antena igorle/hartzailea toberan kokatua.

Edukiontzi bakoitzak mikrotxip bat du, TRANSPONDER izenekoa. Mikrotxip horrek kode indibidual eta besterenezina du eta ez du bateriarik behar hartzailearen seinaleaz elikatzen delako irakurtzeko unean.
   
 
  PDA edo Terminal Eramangarrria   Bilketa kamioia   Kamioiaren edukinontzia
           
   
  Toberan ezarritako eta estalkiekin babestutako antena   Toberan ezarritako eta estalkiekin babestutako antena    
   
  Prozedura

Edukiontzi bat deskargatzen denean, antenak edukiontziaren datuei loturik dagoen transponderra irakurtzen du (edukiera eta kokalekua) eta automatikoki PDAn erregistratuta geratzen da.

Era berean, langileak PDAn jaso ahal izango ditu aurkitzen dituen gorabeherak (altzariak edukiontziaren ondoan, edukiontziaren egoera: zikina, hautsia, mugitua, eta abar).

Lan hori eskuz egin da beti, eta sistema berri horrek aukera ematen du modu erraz, azkar eta eraginkorrean informazioa sartzeko, eta lana errazten du zer eraman behar den eta non dagoen zehatz jakiten delako.

Industriako hondakinen bilketari dagokionean prozedura berbera da, baina kamioia atzeko aldetik kargatzen delako bi langilek parte hartzen dutenez, PDAren osagarria izango dute (eskuzko aginte bat transponderra irakurtzen duena eta informazioa zuzenean PDAra iritsarazten duena).

Jasotako datuak datu-base batean deskargatzen dira eta gero behar bezala prozesatzen dira.
   
  Partehartzaileak
   
 
Servicios de Txingudi – Txingudiko Zerbitzuak, S. A.
Kifer Servicios Informáticos, S. L.
informatika zerbitzuen enpresa.
Universidad del País Vasco - UPV
(DCI Taldea – Informatika Fakultateko A.T.C. Departamentuko Zirkuitu Integratuen Diseinua)
Universitat Autonoma de Barcelona – UAB
(Hardware – Software Prototipo eta Soluzio Zentroa)
Centro Nacional de Microelectrónica
Zientzi Ikerketen Kontseilu Nagusia (CNM – ZIKN).